sahar el liale مديره المنتدى
عدد المساهمات : 79 تاريخ التسجيل : 20/04/2009 العمر : 29 الموقع : www.wolfcool.yoo7.com
| موضوع: اضحك محدش واخد منها حاجه الثلاثاء يونيو 23, 2009 9:33 am | |
|
| · مرة واحد ابنه طلع من الأوائل. فشفره.
· كسلان دخل الامتحان وقع منه القلم سلم الورقة.
· واحد سافر بالطيارة ومعه قرد، قالت المضيفة الحيوان معك؟ هز القرد راسه.
· مسطول راح يودع فلوسه في البنك لقاه مغلق قام دخل الفلوس من تحت الباب.
· واحد غبي شاف أمه محروقة والنار طالعة منها قالها: منورة يا حاجة.
· واحد غبي حب واحدة أتجوز أختها علشان يضمن يشوفهاكل يوم.
· واحد بيقول لخطيبته لما ازمرلك انزلي. قالتله هو أنت اشتريت عربية قالها لا اشتريت زمارة.
· مرة واحد دخل في رجلة مسمار معرفش يطلعه تناه.
· مرة واحد سمع أن الجرائد هتغلى. راح اشترى منها كمية كبيرة.
· مرة واحد عينوه مدير ملجأ أيتام أول قرار أخده اجتماع لأولياء الأمور.
· مرة واحد كل ما يشوف البرق يضحك ليه؟ عشان يطلع حلو في الصورة.
· واحد بيسأل خطيبته: حد قبلي لمسك؟ سكتت. فسألها: بتفكري في أيه. قالته: لا أنا بعدهم كام.
· واحد كهربائي أتجوز أربعة.. جابلهم مشترك.
· صعيدي بيعد الأرقام بالانجليزي: وان، توو، ثري، فور، فايف، استغفر الله؟ سكس.
· فرختين مشيين الأولى معلقة بيضة على رقبتها.. فالتانية بتسالها أية البيضة دي؟ قالت دي صورتي وأنا صغيرة.
· واحدة فافي راحت لمصنع من مصانع تعبئة الألبان وشافتهم وهم بيحلبوا البقر فسألتهم طب والبقر الفاضي بتعملوا فيه أيه؟.
· واحد ومراته متخانقين فبطلوا يكلموا بعض فكتب ورقة صحيني الساعة ستة ونص علشان عندي شغل، وحط الورق على السرير ونام.. صحي الساعة عشرة فلقى ورقه مكتوب عليها الساعة ستة ونص يلا أصحى.
· صعيدي ضاعت محفظته راح يدور عليها بلغ في القسم الضابط بيقولوا ما تقلقش يا بلدينا هنجبهالك من تحت الأرض، وبعد ما خرج من القسم شاف الناس بيحفروا للخط بتاع المترو.. الصعيدي قالهم الهمة يا رجالة سودة وفيها سوستة.
· كان في واحد شكله وحش قوي قوي عايز يتجوز فراح وأتقدم لواحدة فابيقول لأبوها: أنا يا عمي بلا فخر عملت نفسي بنفسي، فرد عليه: ما أنا برضة بقول استحالة تكون خلقه ربنا.
· واحد جزمجي زعل. جت له جزمة نفسية.
· جزمجي أبنه مات. نزل له في الجريدة نص نعل.
· واحد جزمجى أبوه مات.. جه يعمل له أربعين طلع ضيق عليه.. عمل له 42.
· مرة واحد صعيدي فتح محل أنابيب بوتاجاز. فجر أنبوبتين في وسط البلد دعاية.
· مرة واحد بلدياتنا وقع من الطيارة دخلت في رجله نخلة.
· مره اتنيين مساطيل ماشيين على شريط القطار فواحد بيقول للتاني يآ أخي السلم ده طويل بشكل. رد التاني عليه: اللي مضايقني أن الترابزين واطي أوي.
· صعيدي مع خطيبته في الكازينو انقطعت الكهرباء. قالتله: يالى بقى أنتهز الفرصة. قام هرب من غير ما يدفع الحساب.
· صعيدي قالوله بكره عيد الحب قال: يوووه أيه الورطة دي! وده صلاته أزي.
· بيقولك مرة فأر ماشي مع خطيبته في الغابة وفجأة لقى الأسد، فحب يعمل راجل قدام خطيبته فراح للأسد قاله: أنت حيوان. الأسد رد قاله: أنت بتشتمنى أنا؟ رد الفأر وقاله: أيوه بقولك أنت. ومشي الفار وروح خطيبته لبيتها. وهو راجع قابله الأسد قاله: أنت كنت بتشتمني أنا يا فااااار؟ قاله: لا والله هو أنا أقدر؟ ده أنت ملك الغابة هو حد يقدر يشتمك؟ أنا أسف وهات راسك أبوسها. طلع الفار على رأسه عشان يبوسها فلقى خطيبته معديه. فقال للأسد: أدوس على دماغ أمك دلوقتي؟. |
| |
|
mero عضو كول مبتدئ
عدد المساهمات : 15 تاريخ التسجيل : 11/06/2009
| موضوع: رد: اضحك محدش واخد منها حاجه الثلاثاء يونيو 23, 2009 9:58 am | |
| ههههههههههههههههههههههههههههه بصراحه جامدين وخصوصا اخر واحده | |
|
sahar el liale مديره المنتدى
عدد المساهمات : 79 تاريخ التسجيل : 20/04/2009 العمر : 29 الموقع : www.wolfcool.yoo7.com
| موضوع: رد: اضحك محدش واخد منها حاجه الثلاثاء يونيو 23, 2009 11:21 am | |
| اكيد جامدين يا ميرو مش انا اللى كتباهم ولا ايه؟؟؟؟؟؟؟؟؟ هو انا ييجى منى حاجه مش جامده؟؟؟؟؟ | |
|
mero عضو كول مبتدئ
عدد المساهمات : 15 تاريخ التسجيل : 11/06/2009
| موضوع: رد: اضحك محدش واخد منها حاجه الثلاثاء يونيو 23, 2009 2:33 pm | |
| اللهم اخذيك ياشوشووووووو يعنى الكلام مش جامد اوى يعنى بس النكت جامده ولا تزعلى | |
|